Volve o ESC coa súa terceira entrega onde incluímos nesta lista a una rapaza que realizou un amplo traballo de investigación sobre un dos habitantes máis senlleiros da nosa zona: Manfred Gnädinger. O artista alemán fincou en Camelle gran parte da súa vida levando a cabo un proxecto museístico do cal aínda non coñecemos en toda a súa envergadura. Coa chegada do chapapote, co afundimento do Prestige, Man morreu deixando máis incógnitas que certezas sobre o seu traballo. Por sorte para nos a nova Eu Son Camariñas vainos axudar nesta tarefa.
Luna Suárez Marcote estudou arquitectura na UDC e exerce a profesión nun estudio da Coruña dende hai catro anos. Creceu ao carón do artista alemán de Camelle e iso levouna a realizar o seu TFG sobre a súa figura e a súa arte. Este traballo foi premiado como un dos mellores TFGs na Residencia de Estudantes de Elviña e foi seleccionado para participar nunha exposición presidida polo arquitecto Manolo Gallego. Nel tócanse todos os puntos da vida e arte de Manfred, algúns deles completamente descoñecidos como pode ser a fotografía ou o paradoiro dos cartos que cobraba aos visitantes por visitar o seu museo.
