Na mesma espléndida mañá que desfrutábamos das paisaxes da praia de Arou con Belem Tajes, chegaba o equipo de grabación xunto aos protagonsitas á Ponte do Porto para continuar coa grabación de Eu Son Camariñas. Era o turno do baixista do grupo, que regresaba á vila Porteña despois do infructuoso ensaio na Coruña e que poñía contra as cordas ao conxunto musical composto polos nosos protagonistas. Cando José María regresa á Ponte do Porto comeza recorrendo a impresionante zona de O Pociño, lugar por onde inicia o Río Porto o seu paso pola parroquia de San Pedro. Alí o noso protagonista, oriundo porteño, saca o seu baixo da funda e comeza a inspirar ese aire creativo que só pode haber na súa terra natal. É o momento no que José María crea as liñas de baixo que marcarán o ritmo do tema musical que da nome á canción que marcará as súas vidas: Eu Son Camariñas.
O proxecto ESC
Eu Son Camariñas é un proxecto creado e levado a cabo polo Concello de Camariñas.
2021 © Concello de Camariñas
